close
| 一、 | 嬰仔嬰嬰睏，一暝大一寸；嬰仔嬰嬰惜，一暝大一尺，搖子日落山，抱子金金看，你是我心肝，驚你受風寒。 |
| 二、 | 嬰仔嬰嬰睏，一暝大一寸；嬰仔嬰嬰惜，一暝大一尺，一點親骨肉，愈看愈心適，暝時搖伊睏，天光抱來惜。 |
| 三、 | 嬰仔嬰嬰睏，一暝大一寸；嬰仔嬰嬰惜，一暝大一尺，同是一樣子，那有兩心情，查甫也著疼，查某也著晟。 |
| 四、 | 嬰仔嬰嬰睏，一暝大一寸；嬰仔嬰嬰惜，一暝大一尺，細漢土腳爬，大漢欲讀冊，為子款學費，責任是咱的。 |
| 五、 | 嬰仔嬰嬰睏，一暝大一寸；嬰仔嬰嬰惜，一暝大一尺，畢業做大事，拖磨無外久，查甫娶新婦，查某嫁丈夫。 |
| 六、 | 嬰仔嬰嬰睏，一暝大一寸；嬰仔嬰嬰惜，一暝大一尺，痛子像黃金，晟子消責任，養到恁嫁娶，我才會放心。 |
全站熱搜
留言列表
